शेख हक्कानी
फर्दापूर प्रतिनिधी फर्दापूर परिसरामध्ये सध्या सुरू असलेल्या रिमझिम पावसामुळे शेतातील पिकांना जीवदान मिळाले असून पिके चांगलीच तरारून आली आहेत मात्र निसर्गाने साथ दिलेली असताना आता बळीराजासमोर वन्यप्राण्यांचे नवे संकट उभे राहिले आहे रोही नीलगाय हरीण आणि रानडुक्कर यांसारख्या जंगली प्राण्यांनी शेतातील उभ्या पिकांची मोठ्या प्रमाणावर नासाडी करण्यास सुरुवात केल्याने शेतकरी पुरते हवालदिल झाले आहेत
नुकसानीचे स्वरूप आणि शेतकऱ्यांची व्यथा
कपाशी तूर आणि मक्याचे शेंडे फस्त रात्रीच्या वेळी शेतात घुसून रोही आणि हरणे कपाशी तूर आणि मका यांसारख्या कोवळ्या पिकांचे शेंडे खाऊन टाकत आहेत
रानडुकरांकडून मुळासकट नासाडी एकीकडे रोही शेंडे खात आहेत तर दुसरीकडे रानडुकरे थेट पिकांच्या मुळाशी उकरून रोपे मुळासकट नष्ट करत आहेत
शेतकरी आरिफ खा यांचे मोठे नुकसान फर्दापूर येथील शेतकरी आरिफ खा सलिम गट नंबर २४४ यांच्या शेतात रात्रीच्या वेळी रोहींच्या कळपाने घुसून कपाशी पिकाचे अतोनात नुकसान केले आहे शेतातील कोवळ्या कपाशीच्या रोपांजवळ प्राण्यांच्या पायांचे खोलवर ठसे आणि उकरलेली माती स्पष्टपणे दिसून येत असून रोपांचे शेंडे खाल्ल्याचे उघडकीस आले आहे
वनविभागाकडे कारवाईची मागणी
अहोरात्र काबाडकष्ट करून जगवलेली पिके डोळ्यादेखत नष्ट होत असल्याने परिसरातील शेतकरी या जंगली प्राण्यांच्या त्रासाला फार वैतागले आहेत वनविभागाच्या अधिकाऱ्यांनी तात्काळ या नुकसानग्रस्त शेतांची पाहणी करावी आणि नुकसानीचे पंचनामे करावेत अशी आर्त मागणी शेतकरी वर्गाकडून केली जात आहे पंचनामे झाल्यानंतरच प्रशासनाला या नुकसानीची दाहकता दिसेल आणि शेतकऱ्यांना योग्य ती भरपाई मिळू शकेल अशी अपेक्षा व्यक्त केली जात आहे
